RISE UP
Kutambulisha RISE UP, utafiti MPYA wa kimatibabu wa kutathmini matukio ya maumivu na anemia katika ugonjwa wa selimundu
RISE UP (2021‑001674‑34) ni jaribio la kimatibabu la awamu ya 2/3, lenye matibabu fiche pande mbili, ambalo washiriki wanawekwa kinasibu, linalodhibitiwa na kipozauongo, linalofanywa katika vituo mbalimbali. 1
Utafiti huu wa kimatibabu utatathmini ufanisi na usalama wa mitapivat kwa matibabu ya ugonjwa wa selimundu kwa washiriki walio na umri wa miaka 16 na zaidi. 1
Utafiti unaonyesha ya kwamba zaidi ya nusu ya wagonjwa watashiriki katika jaribio la kimatibabu ikiwa mtoa huduma wao wa afya atalijadili nao2
USANIFU WA UTAFITI WA KIMATIBABU WA RISE UP 1
AWAMU YA 3 (sasa inasajili)
BID=mara mbili kwa siku; Hb=hemoglobini.
VIGEZO MUHIMU VYA KUJUMUISHWA 1
- Watu walio na miaka kumi na sita na zaidi, ambao wamegunduliwa na kuthibitishwa kuwa wana ugonjwa wa selimundu (HbS/β+ thelassemia, au aina zingine za maradhi ya selimundu)
- Angalau matukio 2 sio zaidi ya 10 ya maumivu makali ya selimundu katika miezi 12 kabla ya kutoa ridhaa ya ufahamu
- Vinafafanuliwa kama vipindi vya maumivu makali, maradhi makali ya kifua, kusimama kwa sehemu za siri kwa muda mrefu bila ashiki ya ngono (priapism), au kuvimba kwa ini au wengu
- Ikiwa unatumia hydroxyurea, dozi ya hydroxyurea lazima iwe thabiti kwa angalau siku 90 kabla ya kuanza matibabu ya kinasibu.
VIGEZO MUHIMU VYA KUONDOLEWA1
- Kama una ujauzito au unanyonyesha
- Kama umeratibiwa kuwekwa damu mara kwa mara kwa njia ya mishipa
- Kama una matatizo ya ini,ugonjwa mbaya wa ini,ugonjwa wa kibovu cha mkojo au ugonjwa mbaya wa figo
- Kama ulikumbana na tiba ya jeni hapo awali au kufanyiwa upandikizaji wa uboho au shina la seli hapo awali
- Kama kwa sasa unapokea voxelotor, crizanlizumab, au L-glutamine
- Kama kwa sasa unapokea matibabu ya viungo vinavyochochea ongezeko la damu (hematopoietic-stimulating agents)
- Kutumia vidhibiti vikali vya CYP3A4/5 au vishawishi-mwili vikali vya CYP3A4
KUAMILISHWA KWA PK KUNASAIDIA AFYA YA SELI NYEKUNDU
Mitapivat - dawa ya utafiti iliyo katika RISE UP - ni Kiamilishi badilishi cha kitafiti, cha kimeng'enya cha PK, kinachomezwa kwa mdomo1,3
Kuamilisha kimeng'enya cha PK huenda kukaboresha afya, nguvu, na muda wa maisha ya seli nyekundu za damu (red blood cells, RBC) kwa wagonjwa walio na anemia ya hemolitiki1
- Kuongeza uzalishaji wa ATP, kunasaidia kuendana na mahitaji ya nguvu za RBC
- Kupungua kwa 2,3-DPG ambayo inarejesha ongezeko la mshikamano wa oksijeni kwa ajili ya himoglobini, na kupunguza uwezo wa seli kuchukua umbo la mundu
- Kudumisha antioxidants, na kwa hivyo kupunguza uharibifu wa seli
JIANDAE KWA AWAMU INAYOFUATA YA RISE UP
Pata maelezo zaidi kuhusu RISE UP, yakiwemo maelezo ya kina kuhusu uandikishaji, malengo yote ya utafiti, na maelezo muhimu ya ujumuisho na kutengwa. Kisha zungumza na wagonjwa wako wanaostahiki kuhusu utafiti huu.
Ukiwa na maswali, barua pepe:
medinfo@agios.com (Marekani)
ex-usmedinfo@agios.com (nje ya Marekani)
Marejeleo:
1. Data iliyo kwenye faili. Agios Pharmaceuticals, Inc.
2. Research!America. Kura ya maoni ya umma kitaifa. Julai 2017. Ilitumika tarehe 18 Oktoba 2023. https://www.researchamerica.org/wp-content/uploads/2022/07/July2017ClinTrialMinorityOversamplesPressReleaseSlidesFINAL_0-1.pdf
3. Howard J, Kuo KHM, Oluyadi A, et al. Utafiti wa mitapivat wa awamu ya 2/3, wenye matibabu fiche pande mbili, ambao washiriki wanawekwa kinasibu, unaodhibitiwa na kipozauongo, katika wagonjwa walio na ugonjwa wa selimundu. Damu. 2021;138(suppl 1):3109.
